Xulka kubadda cagta ee dalka Spain oo asagu ahaa xulkii loo saadaalinayey in uu ku guulaysan doono koobka adduunka isla markaana si aad ah loo wada sugayey cayaartiisii ugu horeysay ayaa waxaa shalay dhinaca dhulka u dhigay xulka dalka Switzerland ka dib markii ay 1-0 ku suuldaareen, taasoo fajac ku noqotay dad badan oo ka faalooda cayaaraha.

Xulka kubadda cagta ee dalka Ingiriiska ayaa caawa lagu celiyey barbardhac 1-1 ah ka dib markii uu goolhayaha xulkoodu Robert green siiyey xulka dalka Maraykanka gool deeq ah cayaarta markii ay socotay 40 daqiiqadood inkastoo ay xulka Ingiriisku la hormareen gool daqiiqaddii 3 aad ee cayaartan.

Ciyaaryahanada Lee Jung-soo iyo Park Ji-sung ayaa kala dhaliyay labada gool ee xulka South Korea uga adkaaday dhigooda wadanka Greece, waxaana xulka Korea uu noqday xulkii ugu horeeyay ee guul ka gaara koobka adduunka oo shalay si rasmi ah uga furmay wadanka S. Africa.

Ciyaaraha Kubadda Cagta ee koobka adduunka ayaa shala galab si rasmi ah uga biullowday garoonka Soccer City Stadium ee magaaladda Johannesburg ee wadanka South Africa, waxaana ciyaartii ugu horeysay dhex martay xulka martida loo yahay ee Bafana Bafan iyo xulka Mexico.

Koobkii 19 aad ee kubadda cagta adduunka (FIFA) ayaa maanta markii ugu horeysay ciidda qaaradda Afrika ka furmay dalka Koonfur Afrika kaasoo taariikhda koobka adduunka ka galay baal taariikhi ah ayadoo uu xalayna xafladdii furitaanka qayb wayn ka ahaa fanaan Soomaaliyeed oo lagu magacaabo Kainan Warsame.