Doorashadan oo aheyd mid aad u xiiso badan ayaa waxaa ku soo baxay Gudoomiyaha xiriirka K/cagta wadanka Jabuti, Xuseen Fadul oo 11-cod uga guuleystay guddoomiyaha xiriirka Eritrea Tasfay, waxaana Fadul uu noqon doonaa guddoomiye ku xigeenka CECAFA ilaa 2011, xoghayaha xiriirka K/cagta soomaaliya C/qani siciid Carab oo u tartamay xubin guddiga fulinta oo isna helay 11-cod, Justus Mugisha (Uga) 10-cod, guddoomiyahah xiriirka K/cagta ee wadanka Burundi haweeneyda la yiraahdo Lydia Nsekera oo heshay 8-cod.
Sidoo kale waxaa xubin u tartamay guddoomiyaha cusub ee xiriirka K/cagta wadanka Itoobiya Wolde Shahilu, wuxuuna ku fashilmay inuu guddiga ku biro, isagoo helay 4-cod, iyadoo C/qani uu ahaan doono guddoomiyaha tartanka xulalka ee CECAFA ilaa 2011.
Sida uu dhigayo sharciyga CECAFA 2-dii sanaba mar ayaa la dooranayaa guddiga fulinta, marka laga reebo guddoomiyaha CECAFA Loedgear Tenga oo u dhashay wadanka Tanzania.
Qodobada kale ee ka soo baxay shirkii maanta waxaa ka mid ahaa:-
- In wadanka Rwanda uu si rasmi ah u marti galin doono koobka kooxaha horyaaladda bartiga iyo bartamaha Africa ee 2010.
- In Itoobiya ay marti galiso koobka xulalka bariga iyo bartamaha CECAFA ee 2010, laakiin haddii ay ku fashilmaan waxaa mar kale marti galin doona wadanka Kenya.
- Kenya waxay codsatay in ay marti galiso koobka qaaradda Africa ee African Cup of Nations ee sanadka 2016, waxayna ka codsatay 11-ka wadan ee CECAFA in ay taageeraaan codsigooda.
Faarax Blue
Nairobi-Kenya
Fmcblue@hotmail.com